അച്ചുമാമ്മയെ കളിയാക്കരുത്

ഇന്ന് ജീവിച്ചിരിക്കുന്ന ഏറ്റവും പ്രായം കൂടിയ നേതാക്കളില്‍ ഒരാളാണ് വി.സ്  അച്യുതാനന്ദന്‍. എല്ലാവരും അദ്ദേഹത്തിന്റെ പ്രായത്തെ ബഹുമാനിക്കണം. എന്തിനേയും വിമര്‍ശിക്കുന്ന വിമര്‍ശനരോഗികള്‍ കേരളത്തില്‍ ധാരാളമാണ് അത് നല്ലതല്ല. ഒരാളെ കുറ്റക്കാരനെന്ന് പറയാന്‍ സുപ്രീം കോടതിക്ക് മാത്രമേ അധികാരമുള്ളൂ അല്ലെങ്കില്‍ കുറ്റാരോപിതന്‍ എന്നെ പറയാന്‍ പാടുള്ളൂ. ഐ പി സി 499 പ്രകാരം മനനഷ്ട്ടത്തിന് കേസ് എടുത്തു തെളിയിക്കപ്പെട്ടാല്‍ അകത്തു പോയി കിടന്നു രണ്ടു വര്‍ഷം ഉണ്ട തിന്നാം എന്താ പോകണോ ? ( ഇത് അച്ചുമാമ്മക്കും ബാതകമാണ് ) നമ്മള്‍ ആരെ ദ്രോഹിച്ചാലും കറങ്ങി തിരിഞ്ഞു അത് നമ്മുടെ പള്ളക്ക് തന്നെ വരുമെന്ന് ഈശ്വരന്‍ അച്ചുമാമ്മക്ക്‌ കാണിച്ചു കൊടുത്തതാണിത്. താല്‍ക്കാലിക നേട്ടത്തിനായി ആരേയും എന്തും പറയുന്ന സ്വഭാവം ഇനിയെങ്കിലും വി സ് മാറ്റണം. അധികാര സ്ഥാനത്തിരുന്നു ഏതു പട്ടി കുരച്ചാലും ജനം ആദ്യം അത് വിശ്വസിക്കും.   

എന്നെ ഒരു കള്ളനാക്കി ചിത്രീകരിച്ച്  കേരള ജനത്തിന് ലഭിക്കാനിരുന്ന 1500 കോടിയുടെ നേട്ടവും സമൂഹം എന്നില്‍ അര്‍പ്പിച്ച വിശ്വാസവും എന്റേയും എന്റെ ആളുകളുടെയും  മാനവുമാണ് ജനത്തിന്റെ കൈയടിക്ക് വേണ്ടി ഈ മിമിക്രി മാമ്മ തുലച്ചത്. ഇത്രക്ക് ദ്രോഹമോന്നും നിങ്ങള്‍ക്കാര്‍ക്കും അദ്ദേഹം ഉണ്ടാക്കിയിട്ടില്ലല്ലോ അല്ലെ ? എനിക്ക് പോലും ഇല്ലാത്ത ദണ്ണമാണോ ഇപ്പോ ഈ     നക്കാപിച്ച ഭൂമിയുടെ കാര്യത്തില്‍ നിങ്ങള്‍ ഉണ്ടാക്കുന്നത് ? എല്ലാവരിലും നല്ലവശങ്ങള്‍ ഉണ്ട് അത് കാണാന്‍ ശ്രമിക്കുക എന്നാലെ  പരസ്പരം വെറുക്കാതെ സ്നേഹിക്കാന്‍ സാധിക്കു. രാഷ്ട്രീയത്തിന്റെയും മതത്തിന്റെയും പേരില്‍ നമ്മള്‍ എന്തിന് കലഹിക്കണം. ഈശ്വരന്റെ ധാനമായി ലഭിച്ച ഈ ജന്മം പരസ്പരം സ്നേഹിച്ചും സഹായിച്ചും സന്തോഷിച്ചുകൂടെ ? 

2008ല്‍ മുഖ്യ മന്ത്രി പദവിയില്‍ ഇരുന്നു കൊണ്ട് അച്ചുമാമ്മ പറഞ്ഞ അതെ വാക്കുകള്‍ 

"സന്തോഷു മാധവന്‍ സന്തോഷു മാധവന്‍ ഇന്നെവിടെ ?     കല്‍തുറുങ്കില്‍ ! അയ്യാള്‍ പോലീസിനോട് പറയുന്നു ഞാന്‍ ചെയയ്തതാ ഞാന്‍ ചെയയ്തതാ ചെയ്യതുപോയി എടോ താന്‍ "ഗാസറ്റും" എടുത്തെന്ന് പറഞ്ഞല്ലോ ഈ ചെയ്യുന്നതെല്ലാം ആളുകളെ കാണിക്കാനാണോ "ഗാസറ്റും" എടുത്തത് ?  എടുത്തുപോയി എടുത്തുപോയി കാസറ്റ് വില്‍പ്പന നടത്തിയാല്‍ അതിന്റെയും കാശു, കാര്യങ്ങള്‍ നടന്നിട്ടില്ലെങ്കിലും ഇതു കണ്ടുകൊണ്ടെങ്കിലും ആസ്വാദിക്കുന്നതിന് വേണ്ടി കാശു വേടിക്കാം, യന്താസ്ഥിതി ! ഒരു സ്വാമിയാണോ ? ഭദ്രാനന്ദന്‍ ഗിദ്രാനന്ദന്‍ എന്നക്കെ പറഞ്ഞിട്ട് ഈ സ്വാമിമാരുടെ നമ്പര്‍ കൂടി വരികയാണ് അന്വേഷിച്ച്  കഴിഞ്ഞുകഴിയുമ്പോള്‍ എന്തൊ ഇവന്റെയൊക്കെ കഥാ അഞ്ചു കൊല്ലം മുന്‍പ് ഗുണ്ടാ പണിയായിട്ട് നടന്നവന്‍ ഷേവ് ചെയ്യാതെ വന്നപ്പോള്‍ താടി വളര്‍ന്നു ഷേവ് ചെയ്യാതെ ഇരുന്നാല്‍ പിന്നെ താടി വളരില്ലേ ? ഇങ്ങനെ താടിയായിട്ട്   ഉടനെ തന്നെ സ്വാമി കീമി എന്നുള്ള പേരുമിട്ട് ഇറങ്ങി "

അച്യുതാനന്ദന്‍ അന്ന് എന്നെ  അങ്ങനെ പറഞ്ഞതുകൊണ്ടല്ലേ പലരും വി സ്   വാളുവെച്ചത് ഭക്ഷിച്ച്‌ എന്നെ  ദുഷിക്കുന്നത് ? ആദ്യം സ്വന്തം ചോരയെ ശുദ്ധിക്കരിക്കുക എന്നിട്ടുമതി മറ്റുള്ളവരെ  ദുഷിക്കുന്നത്.

എന്തുകൊണ്ടാണോ അച്ചുമാമ്മക്ക് എന്നോടിത്ര ദേഷ്യം ? 

പണ്ട് ഒരിക്കല്‍ അച്ചുമാമ്മയെ കുറിച്ച് ഒരു പ്രവചനം ഞാന്‍ നടത്തി അദ്ദേഹം സൃഷ്ട്ടിയുടെയും സംഹാരത്തിന്റെയും പ്രകമ്പനമാണ് ഒരു കാര്യം ഉണ്ടാക്കുകയും അതിനെ തന്നെ നശിപ്പിക്കുകയും ചെയ്യുന്ന രാശിയാണ് അച്ചുമാമ്മക്ക് എന്ന് പറഞ്ഞതുകൊണ്ടാണോ, അതോ കോടിയേരി ബാലകൃഷ്ണനെ ഞാന്‍ ഇഷ്ട്ടപ്പെടുന്നത് കൊണ്ടാണോ എന്നോടിത്ര മസില്‍ പിടുത്തം ? 

എതിര്‍ക്കുന്നവരെ എന്തു വിലകൊടുത്തും നാറ്റിക്കുന്ന സ്വഭാവം ഒരു നല്ല കമ്മ്യൂണിസ്റ്റ്‌കാരന് യോജിച്ചതല്ല. കഴിവുള്ള കിളികളെ കാണുമ്പോള്‍ ചില കിളവന്മാര്‍ക്ക് ഒരു തരം ചൊറിച്ചില്‍ ഉണ്ടാകും സാരമില്ല ചൂട് വെള്ളത്തില്‍ ഉപ്പിട്ട് ചികിത്സിച്ചാല്‍ മാറും. ആരെയും പുച്ചിക്കുന്ന സ്വഭാവം, കാര്യങ്ങള്‍ ശരിയായി പഠിക്കാതെയുള്ള എടുത്തുചാട്ടം, അഹംഭാവം ഇത്തരം സ്വഭാവ ഗുണങ്ങള്‍ കൂടി മാറ്റിയാല്‍  അച്യുതാനന്ദനെ പോലൊരു നല്ല നേതാവ് വേറെ കാണില്ല. നമ്മളെ സുഖിപ്പിക്കുന്ന സുഹ്രത്തിനെക്കാള്‍ നമ്മുടെ തെറ്റുകള്‍ ചൂണ്ടി കാണിച്ച് തരുന്ന സുഹ്രത്തുക്കളെ വേണം നമ്മള്‍ ഉള്‍കൊള്ളേണ്ടത്‌... അപ്പൊ ശരി സഖാവേ നിങ്ങള്‍ക്ക് നല്ലത് വരട്ടെ ലാല്‍ സലാം.