ഒന്ന് പട്ടിണി കിടക്കാന്‍ ലക്ഷങ്ങളുടെ ചെലവ്

പ്രിയ സുഹ്രത്തുക്കളെ, എനിക്ക് ഒരു മാസം പട്ടിണി കിടക്കാന്‍ പോലും വേണം ലക്ഷങ്ങള്‍., ചുമ്മാ ജാടക്ക് പറയുന്നതല്ല സത്യമാണ്. ഉള്ളവന് എല്ലാം ഉണ്ട് ഇല്ലാത്തവന് ഒന്നുമില്ല എന്ന് പറഞ്ഞപോലെയാണ് എന്റെ അവസ്ഥ. ഒരു മാസത്തെ എന്റെ ചെലവ് ഇവിടെ വിവരിക്കുന്നു. ഒരു സ്ഥലത്തെ മാത്രം വാടക 10000, വാഹനത്തിന് 30000 +, ഭക്ഷണം 10000 +, കറന്റ്‌ വെള്ളം എല്ലാം കൂടി 3500 +, ഇന്റര്‍നെറ്റ്‌ 1500. ഇതു കൂടാതെ ഒരു മാസത്തെ ബാക്കിയുള്ള ചെലവ് വേറെ. രാവിലെ ഉണരുമ്പോള്‍ പലരും എന്റെ വീട്ടിന്റെ മുന്നില്‍ കാത്തുനില്‍ക്കും അവരുടെ മരുന്ന്, പിള്ളാരുടെ പഠിത്ത ചെലവ് എല്ലാം കൂടി ഒരു ദിവസം 10000 + വേണം. ചില ദിവസങ്ങളില്‍ 25000 + ആകാറുണ്ട് 10000 വെച്ച് കണക്കു കൂട്ടിയാല്‍ തന്നെ മൂന്ന് ലക്ഷത്തോളം രൂപ ഒരു മാസം ചെലവ് വരും, എന്ത് ചെയ്യും ? സേവനം ചെയ്യത് മാത്രം ഉണ്ടാക്കികൂട്ടിയ കടം ഒരു കോടി നാല്പത്തി രണ്ട് ലക്ഷത്തോളം. കുടുംബ സ്വത്ത് വിറ്റ് വിറ്റ് എത്രനാള്‍ സേവനം നടത്തും ? കള്ള് കുടിയും പെണ്ണ് പിടിയും ഒന്നും ഇല്ലാഞ്ഞിട്ടു പോലും എന്റെ ചെലവ് എനിക്ക് തന്നെ താങ്ങാന്‍ വയ്യ. പണം എന്ത് ചെയ്യണമെന്നറിയാത്ത എത്രയോ ആളുകള്‍ നമ്മുടെ നാട്ടില്‍ ഉണ്ട് എന്നിട്ട് എന്ത് പ്രയോജനം ?

നല്ല മനസ്സുള്ള കുറച്ചു കൂട്ടുകാരുടെയും, പ്രശ്നങ്ങളുടെ പരിഹാരത്തിനായി എന്നെ കാണാന്‍ വരുന്ന ആളുകളും നല്‍കുന്ന ദക്ഷിണ കൊണ്ടുമാണ് നമ്മുടെ സേവനങ്ങള്‍ തുടര്‍ന്ന് പോകുന്നത്. 2004 മുതല്‍ സേവന രംഗത്ത് പ്രവത്തിക്കുന്ന എനിക്ക് ഒരു രൂപ പോലും ഗ്രന്റോ മാറ്റുമോ ലഭിച്ചിട്ടില്ല. ആരോടും ഒന്നും ചോദിച്ചു പോകാത്തത് കൊണ്ടാകും ഒന്നും ലഭിക്കാത്തത് അല്ലെ ? എന്നോട് ഒരുപാട് സാധുക്കള്‍ അവരുടെ വേദനകളും ആവശ്യങ്ങളും പറഞ്ഞു വരും എന്നാല്‍ ഞാന്‍ ആരോട് പറയും എന്റെ അവസ്ഥ ? ധര്‍മ്മം ചെയ്യുന്നവനെ യമന്‍ പോലും തൊടില്ല, ധര്‍മ്മം ചെയ്യുന്നവന്‍ എത്ര വിരൂപനാണെങ്കിലും അവന്‍ സമൂഹത്തില്‍ സുന്ദരനാകും എന്നാണ് പ്രമാണം. ഗ്രഹസ്തരും പാപകര്‍മ്മങ്ങള്‍ ചെയ്യതവരും മറ്റുമാണ് ധര്‍മ്മം ചെയ്യേണ്ടത് അല്ലാതെ ഒരു സന്യാസിയുടെ പണിയല്ല അത്. ഒരാള്‍ എന്തെങ്കിലും ചെയ്യതാല്‍ എല്ലാം അയ്യാളുടെ തലയില്‍ വെക്കുന്നത് നന്നല്ല.

ഒരുപാട് പാവങ്ങള്‍ എന്നെ പ്രതീക്ഷിച്ചു ജീവിക്കുന്നു അവര്‍ക്ക് വേണ്ടിയാണ് ഞാനും ജീവിക്കുന്നത്. സമൂഹത്തില്‍ എനിക്ക് എതിരായി ദുര്‍പ്രചരണം നടത്തി എന്റെ സേവന കര്‍മ്മങ്ങള്‍ക്ക് തടസ്സം സ്രഷ്ടിക്കുന്ന സഹോദരങ്ങള്‍ ഒരു ഉപകാരം ചെയ്താല്‍ നന്ന്. എനിക്ക് പകരം നിങ്ങള്‍ സാധുക്കളെ ഒന്ന് കത്തുകൊള്‍ക. ഞാന്‍ ഉപദ്രവിച്ചിട്ടാണ് എന്നെ കുറ്റം പറഞ്ഞു എന്റെ പ്രവര്‍ത്തനങ്ങളെ തടസ്സപ്പെടുത്തുന്നതെങ്കില്‍ പോട്ടെന്നു വെക്കാം ഇത് അതല്ലല്ലോ ഒരു ദ്രോഹവും അവര്‍ക്ക് ചെയ്യാത്ത എന്നെ മാധ്യമ വാക്ക് വിശ്വസിച്ച് ഉപദ്രവിക്കുന്നതില്‍ ഒരു കുറവുമില്ല സത്യം പറഞ്ഞാല്‍ എല്ലാം കൊണ്ടും കേരളത്തിലുള്ള സേവനം മടുത്തു, എല്ലാം കാണുന്ന ഒരാള്‍ മുകളില്‍ ഉണ്ടല്ലോ കണക്കു അവിടുന്ന് ചോദിച്ചോളും. എല്ലാ മാസവും ഒരു നൂറു രൂപയെങ്കിലും തരാനുള്ള മനസ്സുപോലും നമ്മുടെ ആളുകള്‍ കാണിക്കില്ല മറിച്ച് ഒരാളെ വിമര്‍ശിക്കാനും ദ്രോഹിക്കാനും ഒരു മടിയുമില്ല. ഒരാളുടെ ആവശ്യം അറിഞ്ഞു പ്രവര്‍ത്തിക്കുന്നവനാണ് മഹാന്‍ നല്ല മനസ്സുള്ള ആരെങ്കിലും ഉണ്ടെങ്കില്‍ നമ്മുടെ സേവന പാതയിലേക്ക് വാരം , പേടിക്കെണ്ട നിങ്ങളെ ഞാന്‍ വെടി വെച്ച് കൊല്ലുകയൊന്നുമില്ല. ഏവര്‍ക്കും സ്വഗതം.