ജയഭാരതിയെ 'ബലാല്‍സംഗം' ചെയ്യുന്നു

ഇടതും............'ബലാല്‍സംഗം'............വലതും

'കേരള' മെന്ന സാങ്കല്‍പ്പിക ജയഭാരതിയെ ടി ജി രവി എന്ന കമ്മ്യൂണിസ്റ്റ് വില്ലന്മാരും ബാലന്‍ കെ നായര്‍ എന്ന കോണ്‍ഗ്രസ്സു വില്ലന്മാരും മാറി മാറി ബലാല്‍സംഗം ചെയ്യുന്നു. മറ്റു വില്ലന്മാര്‍ അവര്‍ക്ക് ഒത്താശയും ചെയ്യുന്നു. 'കേരള' മെന്ന ജയഭാരതിയെ സഹായിക്കാന്‍ ആരുമില്ലേ ഇവിടെ ?

കാണാന്‍ ചോവ്വില്ലെങ്കിലും തങ്കം പോലുള്ള മനസ്സ് ഉണ്ടാകുമെന്ന് കരുതിയാണ് അവള്‍ രവി സഖാവിനോട് അടുത്തത്. ദാ കിടക്കുന്നു...ധിം...തരികിട...തോം...എലി മടയില്‍ നിന്നും പുലി മടയില്‍ പെട്ട പോലെയായി ആ പാവത്തിന്റെ അവസ്ഥ (രതിനിര്‍വ്വേദം തോറ്റുപോകും).

ഉടുതുണി ചോദിച്ചാല്‍ ദിനേശ് ബീഡിയുടെ കവര്‍ ഊരി കൊടുക്കും. വിശക്കുന്നു എന്ന് പറഞ്ഞാല്‍ പരുപ്പ് വടയും കട്ടന്‍ ചായയും നല്‍കും. അതും അവള്‍ സഹിച്ചു. എന്നാല്‍ മനസാക്ഷിയില്ലാത്ത രവി സഖാവ് നക്ഷത്ര ഹോട്ടലിലും കുമരകം ബോട്ടുകളിലുമായി അടിച്ചു പൊളിച്ചു ആര്‍മാദിക്കുന്നു (ആഹാ ?).

വികസനം കൂടുന്നു എന്നുപറഞ്ഞു ആദര്‍ശത്തിന് ചുവപ്പ് നാട്ടി അവളെ വഞ്ചിച്ച സഖാവിനെ ഉപേക്ഷിച്ച് അവള്‍ ഇറങ്ങിയപ്പോള്‍ നടക്കാന്‍ പോലും റോഡില്ല. പകരം കുഴികളുടെ എണ്ണം ഐസക്ക് സഖാവ് എണ്ണി തിട്ടപ്പെടുത്തി വെച്ചിരിക്കുന്ന ബോര്‍ഡ് മാത്രം കണ്ടു. റോഡരികിലെ കൂരയില്ലാത്ത ബസ്‌ സ്റ്റോപ്പില്‍ എത്തി തുരുമ്പിച്ച ബസ്സില്‍ ഒരു വിദേന അവള്‍ കൂര പറ്റി (ഗോവിന്ദ ചാമിമാര്‍ അവിടെ ഇല്ലാതിരുന്നത് ഭാഗ്യം)

പൈപ്പില്‍ വെള്ളമില്ലാത്തതിനാല്‍ കുളിക്കാന്‍ തോട്ടില്‍ പോയ അവളെ, വോട്ടിനു വേണ്ടിവന്നവര്‍ കുളിക്കുന്നിടത്ത് പോയി ഒളിഞ്ഞു നോക്കി വെള്ളമിറക്കി ചിരിച്ചു. അവളെ മോഹന വാക്ക്ദാനങ്ങളും ഡല്‍ഹി മാമിയുടെ ഇംഗ്ലീഷും പറഞ്ഞു വശീകരിച്ചു.

അവളുടെ അവസ്ഥ പറഞ്ഞപ്പോള്‍, കുടുംബക്കാരുടെയും മറ്റും സ്വത്ത് ജീ...ജീ...എന്ന് പേരിന്റെ വാലില്‍ ചേര്‍ത്ത് വിളിച്ച് 2 ജീ യാക്കി പറ്റിച്ചു. പല്ല് പോലും തേക്കാത്ത വാനാറിയുടെ ചിരിയില്‍ വീണ അവള്‍ക്ക് ആകെയുള്ള ഒരു ആശ്വാസം എല്ലാം കേന്ദ്രം...കേന്ദ്രം...കേന്ദ്രത്തിലെ ഡല്‍ഹി മാമ്മി എല്ലാം ശരിയാക്കി തരുമെന്നാണ്. പിന്നീടു ഹൈകമാണ്ടിന്റെ 'വലുപ്പം' പറഞ്ഞ് അതിക്രൂരമായി പേടിപ്പിച്ചു പീഡിപ്പിച്ചു. വീട്ടില്‍ പറയുമെന്ന് പറഞ്ഞപ്പോള്‍ അവളെ വീണ്ടും വീണ്ടും വീണ്ടും വീണ്ടും പീ...ഡി...പ്പി...ച്ചു (സൂര്യ നെല്ലി നാണിച്ചു പോകും) ഒടുവില്‍ അവളെ പണം വാങ്ങി വിദേശികള്‍ക്ക് വിറ്റു.

"അവള്‍ ഒന്ന് ഉണര്‍ന്നെങ്കില്‍...ഒന്ന് ഉറക്കെ നിലവിളിച്ചിരുന്നെങ്കില്‍...ഞാന്‍ ഉണര്‍ന്നെനേ മാധവന്‍കുട്ടി" എന്ന് ക്ഷമാപണം നടത്താന്‍ അവര്‍ക്ക് ഒരു ഉളുപ്പുമില്ല...ചോദിക്കാനും പറയാനും ഇവിടെ ആരുമില്ലല്ലോ...

പക്ഷെ...

പോളിട്ടറി ഫാമിലെ ബ്രോയിലെര്‍ കോഴികളെ പോലെ വീട്ടുക്കാരുടെ റേഷനരി തിന്നു തീര്‍ക്കാന്‍ വേണ്ടി മാത്രം കുറെ മാധവന്‍കുട്ടി ജന്മങ്ങള്‍ കേരളത്തിലുണ്ട്. ഒരു ഗുണവുമില്ലാത്ത ഇവന്റെ ഒക്കെ വായില്‍ എന്താ പഴം പൊരിയാണോ ? അതോ മിണ്ടാതിരിക്കാന്‍ ഫെവികോള്‍ തിന്നുകയാണോ ? എന്ത് കൊണ്ട് ഈ ശിഖണ്ടി മല്ലന്മാര്‍ നാടിന്റെ സുരക്ഷയും വികസനവും ശരിയാണോ എന്ന് ശ്രദ്ധിക്കുന്നില്ല...പ്രതികരിക്കുന്നില്ല അല്ല ഒന്ന് ചോദിച്ചോട്ടെ ഇത്തരം ശേഷിയില്ലാത്ത അമുല്‍ ബേബികള്‍ ഈ സമൂഹത്തിന് ആവശ്യമുണ്ടോ ?

ഇവന്മാരെ കൊണ്ട് ആകെയുള്ള ഗുണം ഫേസ് ബൂക്കിനും ഇന്റര്‍നെറ്റിനുമൊക്കെയാണ്. രാവിലെ എണീറ്റാല്‍ പ്രാഥമിക കാര്യങ്ങള്‍ പോലും നിര്‍വഹിക്കാതെ (ഉണ്ടെങ്കില്‍) നെറ്റും തുറന്നു കണ്ണും മിഴിച്ചു, കണ്ട ചെല്ലക്കിളികളെ പിടിക്കാന്‍ വലയും വിരിച്ചു ഇരിക്കും. കേരളത്തിലെ ഈ തലമുറ കഴിപ്പണംകെട്ട (ഒന്നിനും കൊള്ളാത്ത) വിഴുപ്പു കഴുതകളാണെന്ന് മനസ്സിലാക്കിയത്‌ കൊണ്ടാണല്ലോ ഭരണ കൊതിയന്മാര്‍ ഇവിടെ അങ്കം കാണിക്കുന്നത്. ഈ എരപ്പാളികള്‍ നെറ്റിലും മറ്റും തെണ്ടി നടക്കട്ടെ. നാളെ ഇവനൊക്കെ ഒരു കുടുംബ ജീവിതം ഉണ്ടാകുമ്പോള്‍ പഠിക്കും. അന്ന് സ്വന്തം കുട്ടികള്‍ നരകിക്കുന്നത് ഈ ചോക്ലെറ്റ് കുണ്ടന്മാര്‍ കണ്ടു കരയും.

തോക്ക് സ്വാമി